Tipen Alfabeya Kurdi u Helbesten Zarokan

Ev pirtûka ku ji aliyê Mahsûm Nisêbînî ve hatiye nivîsandin, bi navê Tîpên Alfabeya Kurdî û Helbestên Zarokan ye. Ev berhem ji bo ku zarok bi awayekî hêsan û bi kêf, fêrî alfabeya kurdî bibin hatiye amadekirin.
Pirtûk bi taybetî li ser van xalan disekine:
Alfabeya Latînî Alfabeya kurdî ya latînî ku ji 31 tîpan pêk tê, bi hûrgulî tê nasandin.
Helbestên alîkariya perwerdê dikin; Ji bo her tîpekê helbestek taybet hatiye nivîsandin ku zarok hem tîpan nas bikin û hem jî peyvên nû fêr bibin.
Kultûr û Xweza;
Di helbestan de behsa xalxalokan, çemê Firatê, çiyayê Herekolê û cejnên neteweyî mîna Newrozê tê kirin, ku ev yek girêdana zarokan bi çand û xwezaya wan re xurt dike.Ev pirtûk ji bo zarokan ne tenê amûreke fêrbûna alfabeyê ye, di heman demê de mîna baxçeyekî rengîn e ku bi helbest û mînakên jiyanî hatiye neqşandin...

Alfaba kurdî xweş e

Alfaba kurdî xweş e
Gelek tîp lê direşe
Reng û deng pirr balkêş in
A-Tîpa serekêş e

Sîh û yek tîpên neqşîn
Bi xunav gul û rengîn
Çavkanî û hebûn in
Ew in li herk û şêrîn

Bişt û sê tîp dengdar in
Pirr bi wate bi bar in
Di nava gotinan de
Neqşên çandê û war in

Heşt tîpên xwe dengdêr in
Dengî bi coş didêr in
E-I-U Denge kurt in
Lê pirr bi xêr û bêr in

Alfaba min û we ye
Ew tovkê çanda me ye
Xelkê me yê ser bilind
Fêrbûn li benda me ye